La Bocoque é moito máis que unha teenda de roupa. Ademáis de ser un espazo multimarca onde ver, probar e comprar prendas e complementos de xóvenes creadores e proxectos afíns, podemos atopar coleccións propias co mesmo nome.
As súas creadoras, Sara e Olalla, cóntannos que tras un tempo funcionando como marca, decidiron apostar por un espazo onde vender os seua deseños de moda made in Galicia.

En canto ó deseño, elixen prendas versátiles, cómodas e sinxelas, poñendo especial atención nos tecidos, cores, acabados e materiais. En canto ó estilo, optan por prendas femininas e favorecedoras coidando os seus deseños de forma que sexan apropiados tanto para o día a día como para unha ocasión máis especial.

As súas fontes de inspiración “son moi diferentes. Poden ser iconos da música, movementos artísticos, un libro ou un destino evocador“. E as ideas empezan a materializarse “investigamos fontes e imos modelando deseños, buscando recursos e trasladándoos ás prendas. Entre as dúas imos construíndo a colección: deseños, patróns, escalados, prototipos…”

Entre as súas clientas están as que coñecen a marca, as que se sinten atraídas pola estética da tenda ou as que fuxen da moda globalizada e buscan exclusividade e roupa de proximidade.
Cando pensan no futuro da moda afirman “gustaríanos restar made in China ós nosos armarios e encantaríanos que a moda non fora tan efímera, tan caduca”